كلمات اغنية صباح الوله – دحوم الطلاسي
كلمات اغنية دحوم الطلاسي صباح الوله 2022
صباح الوله والشوق ومقابل الخلان
صباح الحبيب اللي نسى يترك احبابه
صباحك رضا وانفاس ورد ومطر هتان
يغيث الجفا ويخلي الروح تهنابه
هلابك على قلبي تدلل وقدرك بان
يبين الغلا في عيون راعيه لو هابه
حبيبي ترى قدرك عزيزٍ ولا ينهان
يُحشم طوال العمر والرفعه اولابه
تعالي وخليني اعيشك بلاخذلان
وانا لك كيانٍ لا تضايقت تلجابه
احبك وقلبي وافيٍ لا وفا ماخان
سكنتي بوسطه وأُغلقت بعدك ابوابه
صباحٍ يجيبك نرجسيه وفالٍ زان
ومزاجٍ يروق ويحسن الوصف بكتابه
تباهي بحبي لك وانا بالمثل طربان
اعيشك حياه وكلنا قلوب تتشابه
